Ekipi lokal përbëhet prej 4 mjekësh të specializuar. Ne inkurajojmë konsultë paraprake, në terren të pyetjeve, diagnozave apo hulumtimeve më komplekse të cilat mund të kenë lidhje me disa patologji njëkohësisht. Megjithatë platforma e kërkimit ”Katalogu i Analizave” është mënyra më e shpejtë ku ju mund të kërkoni në lidhje me analizat e përshtatshme për ju.

Çdo analizë laboratorike ka kërkesa të ndryshme për përgatitje dhe për të siguruar rezultate të sakta, është e rëndësishme të ndiqni udhëzimet përkatëse. Disa analiza kërkojnë të jeni esëll për 8–12 orë, si për shembull analiza e glukozës ose profilit të yndyrnave. Për disa të tjera, mund të jetë e nevojshme ndalimi i përkohshëm i disa medikamenteve, por vetëm nëse rekomandohet nga mjekut. Ju mund të kontrolloni udhëzimet specifike për çdo analizë në platformën tonë “Katalogu i Analizave”, ku çdo test shoqërohet me informacion të detajuar mbi mënyrën e përgatitjes. Nëse nuk jeni të sigurt, mos hezitoni të na kontaktoni. Ekipi ynë është gjithmonë i gatshëm t’ju udhëzojë përpara se të kryeni testin.

Po. Për çdo analizë ofrojmë mundësinë e konsultës me mjekë të specializuar. Nëse keni paqartësi mbi rezultatet tuaja apo dëshironi një shpjegim më të detajuar, mund të rezervoni një konsultë direkte me një nga mjekët tanë në laborator.

Rezultatet e analizave tuaja mund t’i merrni në mënyra të ndryshme, sipas preferencës suaj: Me email: Nëse na keni dhënë adresën tuaj gjatë regjistrimit (Dërgohen automatikisht nga sistemi). Me whatsapp: Nëse keni lënë numrin tuaj të telefonit të aksesueshëm në whatsapp. Fizikisht në laborator: Duke ardhur personalisht për të tërhequr rezultatin në recepsion.

Po, në shumë raste është e mundur të kryhen analiza shtesë mbi të njëjtën mostër, pa qenë nevoja të vini përsëri për marrje gjaku. Ne i ruajmë mostrat e gjakut në kushte frigoriferike (2–8 °C) për të paktën 4 javë, në mënyrë që të mund të kryhet testim shtesë nëse nevojitet. Ju lutemi kontaktoni koleget tona të sekretarisë për të verifikuar nëse mostra juaj është ende e vlefshme për analizat që dëshironi të shtoni.

Për të kryer analizat në laboratorin tonë, nevojiten dokumentet dhe informacionet e mëposhtme: • Karta e identitetit • Emaili ose numri i telefonit, për dërgimin e rezultateve • Nënshkrimi i formularit të konsentit, që na lejon të përpunojmë mostrat dhe të dhënat tuaja personale në përputhje me rregulloret e privatësisë Në rastin e pacientëve minorenë, është e nevojshme edhe nënshkrimi i prindit ose kujdestarit ligjor për të dhënë pëlqimin. Stafi ynë është në dispozicion për çdo paqartësi ose ndihmë gjatë këtij procesi.